Անոթային վիրաբուժության բաժանմունքի ուղղություններն են.

• Ներանոթային պերիֆերիկ զարկերակային վիրահատություններ
• Անոթային հիվանդությունների ժամանակակից դեղորայքային բուժում
• Վարիկոզ հիվանդության  վիրահատություններ՝ բաց, լազերային և էնդոսկոպիկ եղանակներով

Աշխարհում նկատվում է աթերոսկլերոզը հիվանդացության աճի միտում: Այն համարվում է մահացության ու անաշխատունակության հիմնական պատճառներից մեկը: Աթերոսկլերոտիկ ախտահարման հիմնական թիրախ են դառնում արյունատար անոթները, ուստի աթերոսկլերոզի զարգացման ռիսկի գործոնները նույնն են, ինչ սրտանոթային հիվանդություններինը: Հետևաբար դրանց վրա ներազդելով, կարելի է կանխել սրտանոթային հիվանդությունների զարգացումը և խորացումը: «Քանկորի» բժշկական կենտրոնն օգնում է պայքարել չարիքային հիվանդությունների դեմ: Կլինիկան կատարում է դեղորայքային բուժում, վիրահատական միջամտություններ՝ հիպրիդային և ներանոթային եղանակով: Ի տարբերություն փակ վիրահատությունների՝ ներանոթայինը ուղեկցվում է առանց մեծ կտրվածքների և քիչ տրավմատիկ եղանակով: Վիրահատության այս տարբերակը կանխարգելում է ոտքերի կորուստը և ապահովում բնականոն գործունեություն: Առավելություններն են՝ քիչ տրավմատիկություն, տեղային  անզգայացման կիրառում, կոսմետիկ բարձր արդյունավետություն, վաղ ապաքինում:

Աբողջ աշխարհում մեծ տարածում ունի նաև վարիկոզ հիվանդությունը, որի դեպքում նախընտրելի է արմատական բուժումը: Գոյություն ունեն  տարբեր եղանակներ, օրինակ՝ լազերային և բաց  և  էնդոսկոպիկ վիրահատություն, որոնք երբեմն համատեղվում են: «Քանկորի» բժշկական կենտրոնում հատկապես շեշտադրումը դրվում է լազերային միջամտությունների կատարման վրա: Իհարկե,  վիրահատական այս միջամտության կիրառման հարցը որոշվում է խորհրդատվության ժամանակ։ Վիրահատության այս ժամանակակից մեթոդն ավելի արդյունավետ է, քիչ տրավմատիկ է և էսթետիկ առումով բարենպաստ: Լազերային վիրահատության  ժամանակ կտրվածքներ չեն արվում, ոչ միայն պահպանվում, այլև  վերականգնվում է ոտքերի գեղեցիկ տեսքը:

Ուղեղի, սրտի, ոտքերի և մի շարք այլ օրգանների անխափան աշխատանքի համար հարկավոր է առողջ պահել անոթային համակարգը, որի միջոցով օրգանները սնուցվում են արունով: Խուսափելով անոթային հիվանդությունների առաջացումից, կխուսափեք նաև մի շարք այլ հիվանդություններից: